Në qoftë pra se vdiqët bashkë me Krishtin nga elementët e botës, përse duke jetuar në botë jeni nën urdhra: Mos kap, mos shijo, mos prek, të cilat të gjitha prishen nga përdorimi; – sipas urdhërimeve e sipas mësimeve të njerëzve? të cilat duken se kanë dituri në fedashje, në përulësi e në moskursim të trupit, por nuk kanë ndonjë farë vlere veç për të kënaqur mishin.
Në qoftë se u ngjallët bashkë me Krishtin, kërkoni ato që janë lart, ku Krishti është i ulur në të djathtë të Perëndisë. Kini ndër mend ato që janë lart, jo ato që janë mbi dhe. Sepse vdiqët edhe jeta juaj është fshehur bashkë me Krishtin tek Perëndia.
Kandili i trupit është syri; syri yt pra, kur është i pastër, edhe gjithë trupi yt është i ndritur; po kur është i lig, edhe trupi yt është i errët. Vështro pra, që drita që është tek ti të mos jetë errësirë. Në qoftë, pra, gjithë trupi yt i ndritur, pa pasur ndonjë anë të errët, do të jetë i tëri i ndritur, si kandili kur të ndrit me dritën e tij të fortë.
Edhe si foli këto, një Farise i lutej atij të shkojë për drekë tek ai; edhe ai hyri e ndenji në tryezë. Edhe Fariseu u çudit, kur pa, se nuk u la përpara drekës. Edhe Zoti i tha: Tani ju Farisenjtë pastroni të jashtmen e gotës e të pjatës; ndërsa e brendshmja juaj është plot me grabitje e me ligësi. Të marrë, ai që bëri të jashtmen, a nuk bëri edhe të brendshmen? Por jepni lëmoshë ato që janë brenda, edhe ja të gjitha tek do të jenë të pastra tek ju.
